Go mes

Go mess via
un franco de moneda,
e un pugno de allegria.

Go mes da parte
tre versi par la pension,
e na coverta par la bruta stagion.

Go mes via
un pugno de sentimenti,
e do libri par ossigenar la mente.

Go mes da parte
un sac de gran in soffita,
e fassoleti de stofa par ogni sconfita.

Go mes via
na bona batuta,
e un fiasc de sniapa de Ruta.

Go mes da parte
un to complimento,
e un orologio par no perder tempo.

Go mes via
na piantina de vide,
e na camisa bianca par dismentegar le fadighe.

Go mes da parte
un fià de resistensa,
e per quel che resta da viver
tutta la me incosciensa.

(Coperton Buick)