Stanot son drio guidar,
sul stradon de Pertegada verso’l mar,
a maneta in seconda corsia, tanto no lè nissun,
sol na coriera sul piassal de n’osteria targada Belun.
Coro col finestrin sbassà pal caldòn,
quando sull’incrocio trovo un rebaltòn,
n’apecar capotaà e litri de vin,
i core come fiumi verso el tombin.
Un vecio co la testa fra le man,
prega el boia, porco e can,
disperà se viʂina,
el dis adio sogni de cantina.
Coraio sior ciamemo el consorsio,
par l’amor dei santi meio el divorsio,
combinarò doman matina,
vin, vieri e l’ape in officina.
Vado via e penso al sior,
chel torna casa co stò dolor,
magari la femena sulla porta lo speta,
con i una man el coltel e l’altra l’aceta.
La not sogno el rombo dell’apecar,
che el let me fa tremar,
alora coro ʂo in cantina,
veder se le tut come la sera prima.
El pensiero me core drio,
come el baston dela siora sula schena del marìo,
go deciso me trasferiʂo a bas,
mi, bottiglie, damigiane e materas.
Coperton Buick
Nessun commento:
Posta un commento