Soldi, Soldi...
(Inno Patriottico)

Soldi, Soldi, vegna i soldi,
mi vui venderme e comprar,
comprar tanto vin che basti,
‘na nazion a imbriagar.

Cantarò co’ lori i beve,
bevarò se i canterà,
imbriago vui scoltarli,
imbriaghi i scolterà.

Ghe dirò na’ paroleta,
che ghe resti dopo el vin,
fioi de troie, i vostri fioi,
Gavarà ‘l vostro destìn.

Soldi, Soldi, vegna i soldi,
mi vui venderme e comprar,
comprar tanto vin che basti,
‘na nazion a imbriagar.


Giacomo Noventa

(C.B.)