Carabiniér
(Liberamente tratto dalla canzone “Highway Patrolman”
- Album Nebraska - B.Springsteen)
Me ciamo Giani,
cusi’ m’ha ciama’ me pare,
n’omo de poche parole
e poche consonanti.
Son carabinier,
lavoro alla caserma de Fontanafredda,
de fronte alla latteria.
Ho sempre fat el me dover,
go’ un fradel che se ciama Franco,
me pare lo ciama Franc,
perche le de poche parole
e poche vocali.
Franco nol lavora,
gira i bar tut el di’,
fin da bocia le sta’ un rompi coioni.
Da fioi, la domenega,
quando se andava a Barcis,
mi sero sempre liga sul seggiolin,
lu col cul fora dal finestrin,
a saludar el mondo.
Poi da grando ga’ cominsia’,
a far qualche monada,
el Maresciallo ciamava a casa me pare,
che ogni volta giurava de coparlo.
Franc le anda’ sotto naia nel ’84,
come alpin alla Piave de Udine,
mi son resta’ casa a vardar l’osteria,
perche’ sero el primo genito.
S’era sempre manco clienti,
e quando Franc le torna’,
son diventa’ Carabinier.
Ma no le andada sempre cusi’ mal,
nei ani boni,
mi e Franc se beveva e scherzava,
nient de meio che far casin in fameia,
tacar boton co le tose,
quando i meteva valser o polche.
Quando Franc tacava de novo,
co le so monae,
mi lo rimettevo in riga,
chi mola un fradel,
diceva me pare,
no le n’omo vero.
Na notte de tre ani fa’,
vegno sveia’ da na telefonada,
se ga’ mena’ al bar da Bepi,
in centro a Roveredo,
e Toni ch’el sa’ e vede sempre tut,
me dise che Franc,
ga’ meso copa’ un della vigilansa S.Giorgio.
Son monta’ su la volante,
col me collega Plinio,
e sen parti de corsa verso Avian,
e poc prima de Budoia,
go vist l’Alfasud de Franc,
che puntava la Pedemontana.
Lo inseguio su per Dardago,
e Val de Croda,
fin alla fine della strada,
li’ del chalet dell’Orco.
Ga’ mola la macchina
e continua’ a pie’ verso el canalon della montagna,
Plinio me incita a inseguirlo,
ma col gesto della man lo blocco,
cusi’ Franc sparise,
risucchia’ dal bosco e dal scuro.
Me torna in mente,
le domeneghe pomeriggio,
all’Oasi de Cordenons,
quando Franc puntava le tose,
e ogni tant che centrava l’obiettivo,
te lo vedevi sgomar col so 127 sport,
sulla riva del Meduna.
Me pare diseva sempre che,
quando ciava to fradel,
le come se trombassi anca mi’,
va ben che son Carabinier
ma no mai creduo a sta’ monada.
Ma sero contento lo stes,
perche’ dopo se se trovava sempre al bar al Ponte,
a farse un Cabernet Franc.
Me fradel diseva che,
el Cabernet par lu’,
l’era el meio vin,
e un bon cognome.
(Coperton Buick)
