El Pal de la Cucagna

Alt quant che basta
par no farte rivar mai in sima,
con do cunici, na pita, un faggian, na soppressa el fiasc de vin
chi speta d’essere portai via.
Cusi’ ont de grass
che ogni sforso par andar su’,
te costa do sivolae verso so
e ogni volta te ricominci el calvario.
Per farghela te ga’bisogno dei altri
de montarghe sora con tut el to peso,
schissarli come ragni,
poi lori i fara’ lo stess con ti
quando te scivolera’ so de novo.
Piu tentativi te fa’
par raggiunger la meta,
e piu’ te vien a mancar le forse
e ogni tentativo sara’ sempre piu’ duro.
El pal de la cuccagna sembra tant la vita
lambicar de continuo par ottenier qualcosa,
metter i pie’ in testa a quei altri
par eliminarli dalla gara.
Quando poi capita de rivar in sima
quel che te trovi le’ roba morta,
quel che te trovi
le la parte final della to vita.

Coperton Buick

Punto e virgola

di Arduino e Vittorino Marseghelot

A: To nevodo alo finìo la cassa integrasiòn?
V: Si, cusì finalmente el va' in ferie.

Coperton Buick

Punto e virgola

di Arduino e Vittorino Marseghelot

A: El mondo el se ga' proprio ribaltà.
V: E tanti i è rimasti schissai sotto.


Coperton Buick

Punto e virgola

di Arduino e Vittorino Marseghelot

A: No se pol pianser sul latte versà.
V: Ma sul vin si.


Coperton Buick

Pensiero amoroso

Le Sculetta che le’ un piaser
le culate che se sposta
un fia’ de qua’ e un fia’ de la’,
e comunque le tira sempre drit
drio la loro strada.
Viste dal davanti
el movimento, da ondulatorio,
el diventa sussultorio,
co sti meloni chi esonda
come el fiume in piena,
che par agitarse
piu’ delle loro parone.
De fianco te vedi na bandiera
che sventola a prua
e sto bel cul chel se dimena
piu’ in so a poppa.
Ogni tant vien fora el bugnigol
come un ocio curioso
a veder che tempo che fa’.
Ah le femene d’ista’
se no bastasse el caldo a cusinarte,
le te tien co le palpitasion al limite
dell’infarto,
par fortuna no tutte le fa’ el stesso effetto,
cusi a volte te vien voia
de invocar l’inverno,
gia’ da Marzo.

Coperton Buick

Punto e virgola

di Arduino e Vittorino Marseghelot

A: La societa' vol sente vincente.
V: Tocchera' cominsiar a sogar al vuin for laif.

Coperton Buick