Go cercà

Go cercà

Go cercà de star al passo
de vardar pi avanti che indrio,
de no farme stacar
e seguir la strada de quei altri.
Go cercà d’esser pi morbido
de scoltar sensa replicar,
go tirà fora le man de tasca
par farme aiutar.
Go cerca’ un modo de star al mondo
pensar de no esser l’unico sul pianeta,
go cercà de remar nella diresion
contraria alla me testa.
Go cercà de no farme vardar mal
de farme regalar boni consigli,
go compra’ na camisa
da intonar alla giacca.
Go cercà pi volte
de ribaltarme l’anima,
ma no le nient da far
no le medisine par naufraghi.
No le nissun che cambia
el to vento,
no ghe se sguardo e ordine
che te seri in galera,
no ghe se omini o femene
chi te estirpi el dolor.
No ghe se verso o diresion
ghe se sol quel che te si,
e se qualcun de not
te roba qualcosa,
ghe sarà sempre na parte
che no se porta via nissun,
quella maledetta parte che rimane sempre.

(Coperton Buick)