El somo poeta

El somo poeta
gira coa so careta,
trainà dal mus
che segue na cagneta.
Elegante coe ghete
e in testa a bombeta,
la camisa da festa
soto la jacheta.
Quando ’l passa el poeta
onori de bandiere e trombeta,
le femene coi fiori in man
i fioi che core drio’l can.
Invocà dal popolo sovran
che chiede un versetin,
el somo el taca
“Nel meso de nostro camin…..
arde le scorse de bagigi e nosele
magnae a festa co do putele,
ma su tut el vin
a trasformar la stansa in un casin”.

(Coperton Buick)