Amici, un fià de schèi...


Amiçi,

Un fià de schèi,
Par tirar 'vanti,
No' xé miga massa.

E una doneta,
Che riçeva
I nostri basi.
Co' quel gusto,
Che ghe serve
Par donarli,
No' xé miga massa.

Ma un fià de vin,

Amiçi
Co' no' ghe xé né schèi né amor,
O anca se i ghe xé,
Un fià de vin bevùo tra amiçi,
Un fià de vin,
E ancora un fià de vin, amiçi,
No' xé miga massa.

Giacomo Noventa - Amici, un fià de schèi... "Lo Specchio", Mondadori, 1960
(C.B.)