Nello el muradòr

Nello taca col ciaro,
e finisse col scuro,
el so duro mestier,
quel del murer.

Le sempre par primo in cantier,
matita rossa drio la recia,
un metro de legno tal taschin lateral,
el bocia de quattordese ani come manoval.

La borseta del pranso,
co la bottiglia de vin che spunta fora,
la gamela co la pastasuta,
che sarà cola quando le ora.

El pendolin col fil blu,
par metter el muro in bola,
n’estate in cantier,
val più de ani de scuola.

El geometra col progeto,
e par tutto perfeto,
ma Nello a ocio,
ghe trova el difeto.

Ma l’arte, l’ingegno e mestier,
no fa la profession perfeta,
se no te riesi a farte el capel,
co la pagina de la gaseta.

(Coperton Buick)